Maakoyiroo duwaaraŋo
Dawuda la duwaa.
1 Hee Yaawe*, i lamoyi n na, i ye n danku,
kaatu nte mu fentaŋo le ti, aniŋ moo koririŋo.
2 N niyo tankandi kaatu nte foroyaata le.
Ite le mu n na Alla ti.
N tankandi, nte mu i la dookuulaa le ti,
aduŋ ŋa n jikoo loo ite le kaŋ.
3 Maariyo, balafaa n ye.
N ka tu woosii la i ye le tiloo bee.
4 N niyo seewondi, nte mu i la dookuulaa le ti.
Hee Maariyo, ŋa n sondomoo loo ite le kaŋ.
5 Maariyo, ite beteyaata le, aduŋ i ka yamfa,
i ka tu kanu bambaloo le yitandi la moolu la
mennu ka i daani.
6 Yaawe, i lamoyi n na duwaa la,
n kumboo kaŋo moyi,
m be maakoyiri ñiniŋo le la.
7 Niŋ m be mantooroo kono n ka ite le kumandi,
kaatu i ka n danku le.
8 Kooni Maariyo, ñoŋ te ite la,
alla te jee meŋ be ko ite.
I ye kuwolu mennu ke,
kiliŋ te jee meŋ ye wolu ke.
9 Maariyo, ite le ye duniyaa moolu bee daa.
Ì be naa le, ì ye sujudi i ye,
aduŋ ì be i too horoma la le,
10 kaatu ite warata le,
aduŋ i ka kaawakuwolu le ke.
Ite doroŋ ne mu Alla ti.
11 Yaawe, n karandi ka taama i la siloo la,
fo n si soŋ i ma i la tooñaa kaŋ,
i ye n sondomoo ke kiliŋ ti
ka i too kuliyaa.
12 M Maarii Alla,
m be i tentu la niŋ n sondomoo bee le la,
aduŋ m be i too horoma la le fo fawu.
13 Kaatu i ye i la kanu bambaloo yitandi nte la baake le.
I ye n niyo tankandi le,
n sutiyaata saayaa la ñaa-wo-ñaa.
14 Hee Alla, faŋ wara moolu le wulita nte kamma.
Fitina moolu la kafoo le lafita ka n niyo taa,
wolu mennu daa te ite la kuu to.
15 Bari Maariyo, ite mu Alla le ti meŋ balafaa warata,
aduŋ i hiinanteeyaata, i buka kamfaa juuna,
i la kanu bambaloo niŋ i la tiliŋo
maŋ dandulaa soto.
16 I ñaa tiliŋ n na, i ye balafaa n ye.
M bambandi, i ye n tankandi,
nte mu i la dookuulaa musoo diŋo le ti,
aduŋ m mu i la dookuulaa doroŋ ne ti.
17 Yaawe, i la konotodiyaa taamanseeroo yitandi n na,
fo mennu ye n koŋ ì si malu, niŋ ì ye wo je,
i la m maakoyoo niŋ n jusulandoo kamma la.
Maakoyiroo duwaaraŋo
Dawuda la duwaa.
1 Hee Yaawe*, i lamoyi n na, i ye n danku,
kaatu nte mu fentaŋo le ti, aniŋ moo koririŋo.
2 N niyo tankandi kaatu nte foroyaata le.
Ite le mu n na Alla ti.
N tankandi, nte mu i la dookuulaa le ti,
aduŋ ŋa n jikoo loo ite le kaŋ.
3 Maariyo, balafaa n ye.
N ka tu woosii la i ye le tiloo bee.
4 N niyo seewondi, nte mu i la dookuulaa le ti.
Hee Maariyo, ŋa n sondomoo loo ite le kaŋ.
5 Maariyo, ite beteyaata le, aduŋ i ka yamfa,
i ka tu kanu bambaloo le yitandi la moolu la
mennu ka i daani.
6 Yaawe, i lamoyi n na duwaa la,
n kumboo kaŋo moyi,
m be maakoyiri ñiniŋo le la.
7 Niŋ m be mantooroo kono n ka ite le kumandi,
kaatu i ka n danku le.
8 Kooni Maariyo, ñoŋ te ite la,
alla te jee meŋ be ko ite.
I ye kuwolu mennu ke,
kiliŋ te jee meŋ ye wolu ke.
9 Maariyo, ite le ye duniyaa moolu bee daa.
Ì be naa le, ì ye sujudi i ye,
aduŋ ì be i too horoma la le,
10 kaatu ite warata le,
aduŋ i ka kaawakuwolu le ke.
Ite doroŋ ne mu Alla ti.
11 Yaawe, n karandi ka taama i la siloo la,
fo n si soŋ i ma i la tooñaa kaŋ,
i ye n sondomoo ke kiliŋ ti
ka i too kuliyaa.
12 M Maarii Alla,
m be i tentu la niŋ n sondomoo bee le la,
aduŋ m be i too horoma la le fo fawu.
13 Kaatu i ye i la kanu bambaloo yitandi nte la baake le.
I ye n niyo tankandi le,
n sutiyaata saayaa la ñaa-wo-ñaa.
14 Hee Alla, faŋ wara moolu le wulita nte kamma.
Fitina moolu la kafoo le lafita ka n niyo taa,
wolu mennu daa te ite la kuu to.
15 Bari Maariyo, ite mu Alla le ti meŋ balafaa warata,
aduŋ i hiinanteeyaata, i buka kamfaa juuna,
i la kanu bambaloo niŋ i la tiliŋo
maŋ dandulaa soto.
16 I ñaa tiliŋ n na, i ye balafaa n ye.
M bambandi, i ye n tankandi,
nte mu i la dookuulaa musoo diŋo le ti,
aduŋ m mu i la dookuulaa doroŋ ne ti.
17 Yaawe, i la konotodiyaa taamanseeroo yitandi n na,
fo mennu ye n koŋ ì si malu, niŋ ì ye wo je,
i la m maakoyoo niŋ n jusulandoo kamma la.