Alla le mu duniyaa bee la kiitindirilaa ti
Meŋ be suukuulaa ñaatonkayaa la: A si laa niŋ kontiŋolu la. Asafu la Jabuura suukuwo le mu.
1 Yahuuda moolu ye Alla loŋ ne,
a too warata Banisirayila kono le famfaŋ.
2 A ye Yerusalaamu le ke a taradulaa ti,
Siyoni* Konkoo le mu a sabatidulaa ti.
3 A ye a jawoolu la kalabeñe saŋaroolu buruka jee le,
ka taa ì la tankaraŋ koteeroolu*, hawusaroolu*,
aniŋ ì la kelejooraŋ koteŋolu bee.
S4 Hee Alla, ite kallankeeyaata* le,
i warata ka tambi konko baalu la,
mennu be tu la looriŋ fo abadaa.
5 Ì ye i jawu kelediŋ fatiŋolu bulu kenseŋo londi le.
Saayiŋ ì be laariŋ siinoo kunimbaloo le kono.
Wo kelejawaroolu kiliŋ te a buloo wulindi noo la.
6 Kooni, biriŋ ite Yaakuba la Alla kumata ì ma,
wo suuborindilaalu niŋ ì la suwoolu ye i laa le,
ì sumaayaata dok.
7 Ite doroŋ ne mu silantaa ti.
Jumaa le si i loo noo i fee,
niŋ i jusoo kandita?
8 I ye i la kiitindiroo taamandi le
ka bo naŋ Arijana kono,
duniyaa moolu bee le silata fo deyoo keta yem,
9 tuma meŋ na ite Alla wulita ka kiitiyo kuntu,
ka duniyaa moo toorariŋolu bee tanka.
S10 Hadamadiŋolu la kamfaa i kamma,
wo labaŋo be ke la i ye tenturoo le ti.
Ì la kamfaa be ke la i ye ñaroo le ti.
11 Ali laahidoolu taa Yaawe* ali la Alla ye,
ali ye ì timmandi.
Alitolu bantala bankoolu* bee,
ali soorifeŋolu samba a ye naŋ,
ate meŋ ñaasilaŋo warata.
12 Ate le ka maralilaalu la faŋ waroo daŋ,
a ka duniyaa mansoolu kijabo.
Alla le mu duniyaa bee la kiitindirilaa ti
Meŋ be suukuulaa ñaatonkayaa la: A si laa niŋ kontiŋolu la. Asafu la Jabuura suukuwo le mu.
1 Yahuuda moolu ye Alla loŋ ne,
a too warata Banisirayila kono le famfaŋ.
2 A ye Yerusalaamu le ke a taradulaa ti,
Siyoni* Konkoo le mu a sabatidulaa ti.
3 A ye a jawoolu la kalabeñe saŋaroolu buruka jee le,
ka taa ì la tankaraŋ koteeroolu*, hawusaroolu*,
aniŋ ì la kelejooraŋ koteŋolu bee.
S4 Hee Alla, ite kallankeeyaata* le,
i warata ka tambi konko baalu la,
mennu be tu la looriŋ fo abadaa.
5 Ì ye i jawu kelediŋ fatiŋolu bulu kenseŋo londi le.
Saayiŋ ì be laariŋ siinoo kunimbaloo le kono.
Wo kelejawaroolu kiliŋ te a buloo wulindi noo la.
6 Kooni, biriŋ ite Yaakuba la Alla kumata ì ma,
wo suuborindilaalu niŋ ì la suwoolu ye i laa le,
ì sumaayaata dok.
7 Ite doroŋ ne mu silantaa ti.
Jumaa le si i loo noo i fee,
niŋ i jusoo kandita?
8 I ye i la kiitindiroo taamandi le
ka bo naŋ Arijana kono,
duniyaa moolu bee le silata fo deyoo keta yem,
9 tuma meŋ na ite Alla wulita ka kiitiyo kuntu,
ka duniyaa moo toorariŋolu bee tanka.
S10 Hadamadiŋolu la kamfaa i kamma,
wo labaŋo be ke la i ye tenturoo le ti.
Ì la kamfaa be ke la i ye ñaroo le ti.
11 Ali laahidoolu taa Yaawe* ali la Alla ye,
ali ye ì timmandi.
Alitolu bantala bankoolu* bee,
ali soorifeŋolu samba a ye naŋ,
ate meŋ ñaasilaŋo warata.
12 Ate le ka maralilaalu la faŋ waroo daŋ,
a ka duniyaa mansoolu kijabo.