Tenturu suukuwo katiri waatoo la
Meŋ be suukuulaa ñaatonkayaa la: Dawuda la Jabuura suukuwo le mu.
1 Hee Alla, jayiroo ñanta i ma Siyoni* saatewo kono le,
aduŋ ǹ ñanta ǹ na laahidoolu timmandi la i ye le.
2 Moolu bee be naa ite le kaŋ,
kaatu ite le ka duwaa jaabi.
3 Niŋ tuma meŋ ǹ na kuu jawoolu dunoo kuliyaata ǹ kaŋ,
i ka yamfa ǹ na junuboolu la le.
4 Seewoo be moo le ye i ye meŋ tomboŋ
ka a katandi i la,
ka sabati i la luwo to.
I Batudulaa Buŋo* kuu kendoolu be ǹ wasa la le,
meŋ mu i la buŋ senuŋo neemoo ti.
5 Hee Alla, ǹ na kiisoo sababoo,
i ka ǹ na duwaalu jaabi le ka bo niŋ kaawakuwolu la,
ka ǹ tankandi.
Ite le mu duniyaa moolu bee jikiraŋo ti,
hani mennu be siiriŋ fankaasoolu daŋo to.
6 Ite le ye konkoolu londi i semboo la,
kaatu semboo be ite le bulu.
7 I ye fankaasoolu la bumbuŋo tenkundi le,
aniŋ ì jiibaliŋolu maakaŋo,
i ye banku koteŋ moolu la maakaŋ baa tenkundi le.
8 Wo kamma la duniyaa fannaalu bee la,
moolu kijoo ka ì fara i la kaawakuwolu la le.
Ka bo tilibo ka taa fo tilijii
i la keroolu ka seewoo suukuwo dundi moolu la.
9 I ka kaayaa bankoo ye le ka samaajiyo jindi a kaŋ,
i ka a yiriwandi kendeke le.
Ite Alla la jiibuŋo be faariŋ ne tep.
Ite le ka siimaŋolu falindi bankoo kaŋ,
i ye a kuwo laa wo le ñaama.
10 I ka samaajiyo kupindi bankoo kaŋ ne
ka baliŋolu denkundi.
I ka bankoo montondi samaajii wisiwisoolu le la
ka fiifeŋolu barakandi.
11 I la beteyaa kaŋ,
i ka bankoo tibandi siimaŋ katiriŋolu le la.
I la sareeti siloolu kaŋ ka tara burunturiŋ
bankoo neemafeŋolu le la.
12 Beeyaŋ daañini dulaa ka tara tibariŋ ñaamoo le la.
I ka konkoolu dandaŋo bee seewondi le.
13 Saajiyolu ka tara faariŋ kenoolu kono le,
i ye wulumbaŋolu bee kono ke siimaŋolu ti.
Feŋo bee ka tara seewooriŋ ne,
ì ka ì kaŋo bula ñoo la ka suukuwo laa.
Tenturu suukuwo katiri waatoo la
Meŋ be suukuulaa ñaatonkayaa la: Dawuda la Jabuura suukuwo le mu.
1 Hee Alla, jayiroo ñanta i ma Siyoni* saatewo kono le,
aduŋ ǹ ñanta ǹ na laahidoolu timmandi la i ye le.
2 Moolu bee be naa ite le kaŋ,
kaatu ite le ka duwaa jaabi.
3 Niŋ tuma meŋ ǹ na kuu jawoolu dunoo kuliyaata ǹ kaŋ,
i ka yamfa ǹ na junuboolu la le.
4 Seewoo be moo le ye i ye meŋ tomboŋ
ka a katandi i la,
ka sabati i la luwo to.
I Batudulaa Buŋo* kuu kendoolu be ǹ wasa la le,
meŋ mu i la buŋ senuŋo neemoo ti.
5 Hee Alla, ǹ na kiisoo sababoo,
i ka ǹ na duwaalu jaabi le ka bo niŋ kaawakuwolu la,
ka ǹ tankandi.
Ite le mu duniyaa moolu bee jikiraŋo ti,
hani mennu be siiriŋ fankaasoolu daŋo to.
6 Ite le ye konkoolu londi i semboo la,
kaatu semboo be ite le bulu.
7 I ye fankaasoolu la bumbuŋo tenkundi le,
aniŋ ì jiibaliŋolu maakaŋo,
i ye banku koteŋ moolu la maakaŋ baa tenkundi le.
8 Wo kamma la duniyaa fannaalu bee la,
moolu kijoo ka ì fara i la kaawakuwolu la le.
Ka bo tilibo ka taa fo tilijii
i la keroolu ka seewoo suukuwo dundi moolu la.
9 I ka kaayaa bankoo ye le ka samaajiyo jindi a kaŋ,
i ka a yiriwandi kendeke le.
Ite Alla la jiibuŋo be faariŋ ne tep.
Ite le ka siimaŋolu falindi bankoo kaŋ,
i ye a kuwo laa wo le ñaama.
10 I ka samaajiyo kupindi bankoo kaŋ ne
ka baliŋolu denkundi.
I ka bankoo montondi samaajii wisiwisoolu le la
ka fiifeŋolu barakandi.
11 I la beteyaa kaŋ,
i ka bankoo tibandi siimaŋ katiriŋolu le la.
I la sareeti siloolu kaŋ ka tara burunturiŋ
bankoo neemafeŋolu le la.
12 Beeyaŋ daañini dulaa ka tara tibariŋ ñaamoo le la.
I ka konkoolu dandaŋo bee seewondi le.
13 Saajiyolu ka tara faariŋ kenoolu kono le,
i ye wulumbaŋolu bee kono ke siimaŋolu ti.
Feŋo bee ka tara seewooriŋ ne,
ì ka ì kaŋo bula ñoo la ka suukuwo laa.