Alla le ye n kendeyandi
Dawuda la Jabuuroo. Alla Batudulaa Buŋo* kerekerelaŋ suukuwo.
1 Hee Yaawe*, m be i tentu la le,
kaatu i ye n kanandi le,
aduŋ i maŋ soŋ n jawoolu ye jele n na.
2 Yaawe n na Alla, n kumboota i ye le ka m maakoyi,
aduŋ i ye n kendeyandi le.
3 Hee Yaawe, i ye n tanka kaburoo ma le.
Domandiŋ n si taa dinkoo kono,
bari i ye m murundi baluwo to le.
4 Ali suukuwo laa Yaawe ye,
alitolu mennu mu a la moolu ti.
Ali i miira a ye meŋ ke,
ka a tentu a too la kuliyaa kaŋ.
5 Kaatu a la kamfaa loo mu waatindiŋ ne ti,
bari a la konotodiyaa la mewo mu siyo daŋo le ti.
Kumboo si tara keriŋ noo suutoo,
bari seewoo ka naa le soomandaa.
6 Biriŋ ŋa a loŋ ko m firinta le, n kumata ko,
“Feŋ te m bondi la n noo to fo fawu.”
7 Yaawe, ka bo niŋ i la konotodiyaa la,
i ye n londi le m bambanta, komeŋ konkoo.
Bari biriŋ i ye i ñaa kaasi n na, n jikilateyita le.
8 Yaawe, ŋa i kumandi le,
m Maariyo, n woosiita i ye balafaa la ko,
9 “I be muŋ ne soto la nte la saayaa to?
Nte la taa dinkoo kono,
nafaa le be ite ye wo to baŋ?
Fo bankumunkoo be i tentu la le baŋ?
Fo a be i la beteyaa bambaloo fo noo la le baŋ?
10 Hee Yaawe, i lamoyi n na, i ye balafaa n ye.
Yaawe, ke m maakoyilaa ti.”
11 I ye n na kumboo yelemandi n ye doŋo le ti.
I ye niikuyaa booto funtoo wura n na le,
i ye seewoo dendikoo duŋ n na.
12 Wo to m be i tentu la niŋ suukuwo la le,
aduŋ n te n deyi la.
Hee Yaawe, n na Alla,
m be i jayi la le fo abadaa.
Alla le ye n kendeyandi
Dawuda la Jabuuroo. Alla Batudulaa Buŋo* kerekerelaŋ suukuwo.
1 Hee Yaawe*, m be i tentu la le,
kaatu i ye n kanandi le,
aduŋ i maŋ soŋ n jawoolu ye jele n na.
2 Yaawe n na Alla, n kumboota i ye le ka m maakoyi,
aduŋ i ye n kendeyandi le.
3 Hee Yaawe, i ye n tanka kaburoo ma le.
Domandiŋ n si taa dinkoo kono,
bari i ye m murundi baluwo to le.
4 Ali suukuwo laa Yaawe ye,
alitolu mennu mu a la moolu ti.
Ali i miira a ye meŋ ke,
ka a tentu a too la kuliyaa kaŋ.
5 Kaatu a la kamfaa loo mu waatindiŋ ne ti,
bari a la konotodiyaa la mewo mu siyo daŋo le ti.
Kumboo si tara keriŋ noo suutoo,
bari seewoo ka naa le soomandaa.
6 Biriŋ ŋa a loŋ ko m firinta le, n kumata ko,
“Feŋ te m bondi la n noo to fo fawu.”
7 Yaawe, ka bo niŋ i la konotodiyaa la,
i ye n londi le m bambanta, komeŋ konkoo.
Bari biriŋ i ye i ñaa kaasi n na, n jikilateyita le.
8 Yaawe, ŋa i kumandi le,
m Maariyo, n woosiita i ye balafaa la ko,
9 “I be muŋ ne soto la nte la saayaa to?
Nte la taa dinkoo kono,
nafaa le be ite ye wo to baŋ?
Fo bankumunkoo be i tentu la le baŋ?
Fo a be i la beteyaa bambaloo fo noo la le baŋ?
10 Hee Yaawe, i lamoyi n na, i ye balafaa n ye.
Yaawe, ke m maakoyilaa ti.”
11 I ye n na kumboo yelemandi n ye doŋo le ti.
I ye niikuyaa booto funtoo wura n na le,
i ye seewoo dendikoo duŋ n na.
12 Wo to m be i tentu la niŋ suukuwo la le,
aduŋ n te n deyi la.
Hee Yaawe, n na Alla,
m be i jayi la le fo abadaa.