Kiilaalu mennu bota Babiloni
(2 Mansoolu 20:12-19)1 Wo waatoo la, Babiloni mansa Merodaki-Baladani, Baladani dinkewo, ye kiilaalu kii, ka leetaroolu niŋ soorifeŋo samba naŋ Hesekiya ye. A ye a moyi le ko, Hesekiya kuuranta le nuŋ, a naata kendeyaa. 2 Hesekiya ye ì jiyaa. Bituŋ a ye a la naafulu maabodulaa muumewo yitandi kiilaalu ñinnu la: kodiforoo, sanoo, seerandi feŋolu, tulu foroo, a la kelejooraŋolu bee, aniŋ feŋo meŋ bee be a la maabori buŋolu kono. Feŋ te Hesekiya la mansasuwo kono, waraŋ a la bankoo bee kaŋ, a maŋ meŋ yitandi ì la.
3 Bituŋ Annabilayi Yesaya taata Mansa Hesekiya kaŋ, a ye a ñininkaa ko, “Wo kewolu ye muŋ ne fo? Ì bota naŋ mintoo le?” Hesekiya ye a jaabi ko, “Ì bota naŋ Babiloni bankoo le kaŋ, banku jamfariŋ baa le mu, ka naa jaŋ.” 4 Yesaya ye a ñininkaa ko, “Ì ye muŋ ne je i la mansasuwo kono?” Hesekiya ye a jaabi ko, “Ì ye feŋo bee le je meŋ be n na mansasuwo kono. Feŋ te n na maabori buŋolu kono, m maŋ meŋ yitandi ì la.”
5 Bituŋ Yesaya ko Hesekiya ye ko, “I lamoyi. Yaawe* Alihawaa Maariyo* ko, 6 waatoo be naa le, feŋo meŋ bee be i la mansasuwo kono, aniŋ i mumuñolu ye feŋo meŋ bee kafu ñoo ma ka naa bula bii la, ì be a taa la le ka a samba Babiloni bankoo kaŋ. Feŋ te tu la jee, Yaawe le ye a fo. 7 I faŋo dinkewo doolu, i ye mennu wuluu, ì be ì samba la le. Ì be ì seenee la le ka ke dookuulaalu ti Babiloni mansa la mansasuwo kono.” 8 Bituŋ Hesekiya ye ñiŋ fahaamu ko, ate la waatoo la, kayiroo niŋ yiriwaa be tara la keriŋ ne, a ko Yesaya ye ko, “I ye kibaaroo meŋ naati ko bo Yaawe bulu, a beteyaata le.”
Kiilaalu mennu bota Babiloni
(2 Mansoolu 20:12-19)1 Wo waatoo la, Babiloni mansa Merodaki-Baladani, Baladani dinkewo, ye kiilaalu kii, ka leetaroolu niŋ soorifeŋo samba naŋ Hesekiya ye. A ye a moyi le ko, Hesekiya kuuranta le nuŋ, a naata kendeyaa. 2 Hesekiya ye ì jiyaa. Bituŋ a ye a la naafulu maabodulaa muumewo yitandi kiilaalu ñinnu la: kodiforoo, sanoo, seerandi feŋolu, tulu foroo, a la kelejooraŋolu bee, aniŋ feŋo meŋ bee be a la maabori buŋolu kono. Feŋ te Hesekiya la mansasuwo kono, waraŋ a la bankoo bee kaŋ, a maŋ meŋ yitandi ì la.
3 Bituŋ Annabilayi Yesaya taata Mansa Hesekiya kaŋ, a ye a ñininkaa ko, “Wo kewolu ye muŋ ne fo? Ì bota naŋ mintoo le?” Hesekiya ye a jaabi ko, “Ì bota naŋ Babiloni bankoo le kaŋ, banku jamfariŋ baa le mu, ka naa jaŋ.” 4 Yesaya ye a ñininkaa ko, “Ì ye muŋ ne je i la mansasuwo kono?” Hesekiya ye a jaabi ko, “Ì ye feŋo bee le je meŋ be n na mansasuwo kono. Feŋ te n na maabori buŋolu kono, m maŋ meŋ yitandi ì la.”
5 Bituŋ Yesaya ko Hesekiya ye ko, “I lamoyi. Yaawe* Alihawaa Maariyo* ko, 6 waatoo be naa le, feŋo meŋ bee be i la mansasuwo kono, aniŋ i mumuñolu ye feŋo meŋ bee kafu ñoo ma ka naa bula bii la, ì be a taa la le ka a samba Babiloni bankoo kaŋ. Feŋ te tu la jee, Yaawe le ye a fo. 7 I faŋo dinkewo doolu, i ye mennu wuluu, ì be ì samba la le. Ì be ì seenee la le ka ke dookuulaalu ti Babiloni mansa la mansasuwo kono.” 8 Bituŋ Hesekiya ye ñiŋ fahaamu ko, ate la waatoo la, kayiroo niŋ yiriwaa be tara la keriŋ ne, a ko Yesaya ye ko, “I ye kibaaroo meŋ naati ko bo Yaawe bulu, a beteyaata le.”