Kiilaariyaa kumoo Kusinkoolu ye
1 Kooni, wo bankoo,
meŋ na basakuluŋolu be tariyaariŋ,
meŋ be Kusi* boloŋolu kankuŋ doo la,
2 bankoo meŋ ka kiilaalu kii niŋ baa la,
ì niŋ seyiŋ kala kuluŋolu.
Alitolu kiilaalu, ali i tariyaa ka seyi ali la moo jaŋolu yaa,
mennu baloo be malamalariŋ.
Moolu be daa-wo-daa, ì silata ì la le.
Banku baa, sembemaa,
boloŋolu ye bankoo meŋ talaŋ-talaŋ.
3 Alitolu duniyaa moolu mennu be baluuriŋ ñiŋ saŋ kuloo koto,
niŋ bandeeroo wulindita konkoo turoo kaŋ, ali a juubee,
niŋ saakotoŋ binoo* feeta, ali dandalaaroo moyi.
4 Kaatu Yaawe* ko n ye le ko:
“M be tara la tenkundiŋ n sabatidulaa to le,
ka koroosiroo ke,
ko niŋ tiloo deyiriŋo be mala la,
ka tara deyiriŋ,
ko niŋ komboo be jii la katiri waatoo.
5 Kaatu janniŋ katiroo, niŋ firoo bee bota ka diŋ doroŋ,
ì be soroŋolu kuntu la muroo le la,
ì ye yiribulu biireeriŋolu jasi.
6 Ì be kasaara la wo le ñaama,
Ì be tu la duwoolu le ye aniŋ suluwolu.
Duwoolu le be baluu la ì la samaa kono,
suluwolu, tilikandoo kono.”
7 Waati le be naa, buuñaa feŋolu be naa Yaawe Alihawaa Maariyo* ye le,
ka bo moo jaŋolu yaa,
mennu baloo be malamalariŋ.
Moolu be daa-wo-daa, ì silata ì la le.
Banku baa, sembemaa,
boloŋolu ye bankoo meŋ talaŋ-talaŋ.
Buuñaa feŋolu be taa Siyoni* Konkoo le to,
Yaawe Alihawaa Maariyo too be daameŋ.
Kiilaariyaa kumoo Kusinkoolu ye
1 Kooni, wo bankoo,
meŋ na basakuluŋolu be tariyaariŋ,
meŋ be Kusi* boloŋolu kankuŋ doo la,
2 bankoo meŋ ka kiilaalu kii niŋ baa la,
ì niŋ seyiŋ kala kuluŋolu.
Alitolu kiilaalu, ali i tariyaa ka seyi ali la moo jaŋolu yaa,
mennu baloo be malamalariŋ.
Moolu be daa-wo-daa, ì silata ì la le.
Banku baa, sembemaa,
boloŋolu ye bankoo meŋ talaŋ-talaŋ.
3 Alitolu duniyaa moolu mennu be baluuriŋ ñiŋ saŋ kuloo koto,
niŋ bandeeroo wulindita konkoo turoo kaŋ, ali a juubee,
niŋ saakotoŋ binoo* feeta, ali dandalaaroo moyi.
4 Kaatu Yaawe* ko n ye le ko:
“M be tara la tenkundiŋ n sabatidulaa to le,
ka koroosiroo ke,
ko niŋ tiloo deyiriŋo be mala la,
ka tara deyiriŋ,
ko niŋ komboo be jii la katiri waatoo.
5 Kaatu janniŋ katiroo, niŋ firoo bee bota ka diŋ doroŋ,
ì be soroŋolu kuntu la muroo le la,
ì ye yiribulu biireeriŋolu jasi.
6 Ì be kasaara la wo le ñaama,
Ì be tu la duwoolu le ye aniŋ suluwolu.
Duwoolu le be baluu la ì la samaa kono,
suluwolu, tilikandoo kono.”
7 Waati le be naa, buuñaa feŋolu be naa Yaawe Alihawaa Maariyo* ye le,
ka bo moo jaŋolu yaa,
mennu baloo be malamalariŋ.
Moolu be daa-wo-daa, ì silata ì la le.
Banku baa, sembemaa,
boloŋolu ye bankoo meŋ talaŋ-talaŋ.
Buuñaa feŋolu be taa Siyoni* Konkoo le to,
Yaawe Alihawaa Maariyo too be daameŋ.