Ñaameŋo niŋ tooleeyaa la kuwo
1 Ko sii furewolu ka tulu seeralaa seeroo tiñaa ñaameŋ,
tooleeyaa, hani a domandiŋ,
a ka ñaameŋo tiñaa le, aniŋ horomoo.
2 Moo ñaamendiŋo sondomoo
ka a tilindi bulubaa le la,
toolewo taa ka a tilindi maraa la.
3 Hakili buka tara toolewo la,
hani niŋ a be taamoo la siloo kaŋ,
a keñaa le ka a yitandi moolu la,
a la tooleeyaa be ñaameŋ.
4 Niŋ maralilaa kamfaata i kamma,
tu i be daameŋ.
Niŋ i tuta tenkundiŋ,
wo le be kuwolu sumayandi la.
5 Ŋa kuu dimindiŋo doo le je ñiŋ duniyaa tiloo koto,
jenkoo meŋ siifaa ka finti maralilaalu la karoo la:
6 Toolewolu le ka tara palaasi baalu to,
moo kummaalu ye tara palaasindiŋolu to.
7 Ŋa joŋolu je seleriŋ suwoolu koo to le,
mansariŋolu be taama la ì siŋo la ko joŋolu.
8 Moo-wo-moo ye dinkoo siŋ,
i faŋo le be boyi la a kono,
aduŋ moo-wo-moo ye sansaŋo boyi,
saa si i kiŋ noo le.
9 Moo-wo-moo ka dookuwo ke beredinkoo to,
si barama noo le,
moo-wo-moo ka loo kuntu,
si dimindi noo le.
10 Niŋ teeraŋo daa kuyaata,
i maŋ a daa diyaa,
a dookundoo ka sembe boyi baa le ñininkaa,
bari ñaameŋo,
wo le ka tinewo naati.
11 Niŋ saa ye i kiŋ janniŋ saa daa sitilaa be a moso la,
wo to a la saa daa sitoo te nafaa soto la i ye.
12 Moo ñaamendiŋo la kumakaŋo
ka hiinoo le saabu a faŋo ma,
bari toolewo faŋo neŋo
le ka a kasaara.
13 A daakumoo ka dati niŋ tooleeyaa le la,
a la diyaamoo ye labaŋ fuuriŋyaa la,
14 toolewo daakumoo le ka siyaa.
Moo buka saama loŋ noo.
Jumaa le si a fo noo,
ate faariŋ koolaa,
meŋ be naa ke la?
15 Toolewo la kata kuwolu,
wolu le ka a batandi,
hani a taaraŋ siloo ka taa saatewo kono,
a buka a loŋ.
16 Kooroo be i ye, ite bankoo,
meŋ na mansakewo mu dindiŋo le ti,
mansariŋolu ka tara bidaŋo la soomandaa.
17 Seewoo be i ye, ite bankoo,
meŋ na mansakewo wuluuñaa ñiiñaata,
mansariŋolu ka domoroo ke a waatoo la,
ka semboo soto, ì buka ke siiratoo ti.
18 Naafoo ka a tinna le, buŋo ye suleŋ,
katakolenteeyaa ka kankaraŋo boyindi duuma le.
19 Domori kendoo ka dadaa faŋ seewondoo le kamma,
wayinoo* ye niyo seewondi,
kodoo, wo ka ñinnu bee le ke.
20 Kana mansa neŋ,
hani i la miiroolu to,
aduŋ i kana fankamaalu neŋ,
hani i dammaa be i la laabuŋo kono.
Kunoolu si i la kumakaŋolu samba noo le,
waraŋ dampammaa feŋ koteŋolu
ye i la kumakaŋo seyinkaŋ saata.
Ñaameŋo niŋ tooleeyaa la kuwo
1 Ko sii furewolu ka tulu seeralaa seeroo tiñaa ñaameŋ,
tooleeyaa, hani a domandiŋ,
a ka ñaameŋo tiñaa le, aniŋ horomoo.
2 Moo ñaamendiŋo sondomoo
ka a tilindi bulubaa le la,
toolewo taa ka a tilindi maraa la.
3 Hakili buka tara toolewo la,
hani niŋ a be taamoo la siloo kaŋ,
a keñaa le ka a yitandi moolu la,
a la tooleeyaa be ñaameŋ.
4 Niŋ maralilaa kamfaata i kamma,
tu i be daameŋ.
Niŋ i tuta tenkundiŋ,
wo le be kuwolu sumayandi la.
5 Ŋa kuu dimindiŋo doo le je ñiŋ duniyaa tiloo koto,
jenkoo meŋ siifaa ka finti maralilaalu la karoo la:
6 Toolewolu le ka tara palaasi baalu to,
moo kummaalu ye tara palaasindiŋolu to.
7 Ŋa joŋolu je seleriŋ suwoolu koo to le,
mansariŋolu be taama la ì siŋo la ko joŋolu.
8 Moo-wo-moo ye dinkoo siŋ,
i faŋo le be boyi la a kono,
aduŋ moo-wo-moo ye sansaŋo boyi,
saa si i kiŋ noo le.
9 Moo-wo-moo ka dookuwo ke beredinkoo to,
si barama noo le,
moo-wo-moo ka loo kuntu,
si dimindi noo le.
10 Niŋ teeraŋo daa kuyaata,
i maŋ a daa diyaa,
a dookundoo ka sembe boyi baa le ñininkaa,
bari ñaameŋo,
wo le ka tinewo naati.
11 Niŋ saa ye i kiŋ janniŋ saa daa sitilaa be a moso la,
wo to a la saa daa sitoo te nafaa soto la i ye.
12 Moo ñaamendiŋo la kumakaŋo
ka hiinoo le saabu a faŋo ma,
bari toolewo faŋo neŋo
le ka a kasaara.
13 A daakumoo ka dati niŋ tooleeyaa le la,
a la diyaamoo ye labaŋ fuuriŋyaa la,
14 toolewo daakumoo le ka siyaa.
Moo buka saama loŋ noo.
Jumaa le si a fo noo,
ate faariŋ koolaa,
meŋ be naa ke la?
15 Toolewo la kata kuwolu,
wolu le ka a batandi,
hani a taaraŋ siloo ka taa saatewo kono,
a buka a loŋ.
16 Kooroo be i ye, ite bankoo,
meŋ na mansakewo mu dindiŋo le ti,
mansariŋolu ka tara bidaŋo la soomandaa.
17 Seewoo be i ye, ite bankoo,
meŋ na mansakewo wuluuñaa ñiiñaata,
mansariŋolu ka domoroo ke a waatoo la,
ka semboo soto, ì buka ke siiratoo ti.
18 Naafoo ka a tinna le, buŋo ye suleŋ,
katakolenteeyaa ka kankaraŋo boyindi duuma le.
19 Domori kendoo ka dadaa faŋ seewondoo le kamma,
wayinoo* ye niyo seewondi,
kodoo, wo ka ñinnu bee le ke.
20 Kana mansa neŋ,
hani i la miiroolu to,
aduŋ i kana fankamaalu neŋ,
hani i dammaa be i la laabuŋo kono.
Kunoolu si i la kumakaŋolu samba noo le,
waraŋ dampammaa feŋ koteŋolu
ye i la kumakaŋo seyinkaŋ saata.