Bible – Alliance Biblique du Sénégal

Seede fuloo

1 Wo to le sumandirilaŋ dokoo diita n na, aduŋ ŋa yaamaroo soto ko, “Wuli, i ye taa Alla Batudulaa Buŋo* niŋ sadaajanidulaa* sumaŋ, i ye moolu konti, mennu ka baturoo ke jee. 2 Bari luwo meŋ be Alla Batudulaa ñiŋ banta la, kana wo sumaŋ, kaatu a diita Alla lombaloolu le la. Ì be doriŋ-doriŋ na saatee senuŋo kaŋ ne fo kari taŋ naani niŋ fula. 3 Nte be semboo dii la n na seede fuloo la le ka kiilaariyaa kumoo fo, fo tili wuli kiliŋ keme fula aniŋ taŋ wooro, booto funtoolu le be tara la dundiŋ ì la.”

4 Ñinnu le mu wo olifu* yiri fuloo niŋ wo lampu looraŋ fuloo ti, mennu be looriŋ duniyaa la Maariyo ñaatiliŋo la. 5 Niŋ moo-wo-moo lafita ka ì mantoora, dimbaa ka bo naŋ ì daalu kono le, ka ì jawoolu kasaara. Niŋ moo-wo-moo lafita ka ì mantoora, a maarii ñanta faa la wo le ñaama. 6 Ì ye semboo soto le ka saŋo soroŋ fo sanjiyo kana ke ì la kiilaariyaa kumafoo luŋolu la. Ì ye semboo soto baajiyo kaŋ ne ka a yelemandi yeloo ti, aniŋ ka duniyaa mantoora niŋ mantoora siifaa bee la, waatoo bee la meŋ diyaata ì ye.

7 Niŋ ì ye ì la wo seedeyaa baŋ, daafeŋ saŋarariŋo meŋ ka sele naŋ ka bo dinka dambaloo kono, wo le be keloo boyi la ì kaŋ, aduŋ a be ì noo la, a ye ì faa. 8 Ì furewolu be tara la laariŋ saatee baa mbeedoolu kaŋ ne, ì ka meŋ misaali Sodomu niŋ Misira la. Wo le mu saatewo faŋo ti, ì Maariyo pempenta yiribantambiloo kaŋ daameŋ. 9 Bituŋ moolu, ka bo bankoolu bee to, siyolu bee to, kaŋolu aniŋ nasiyoŋolu be tara la ì furewolu fele la le fo tili saba niŋ talaa, ì te soŋ na ka ì baadee. 10 Moolu mennu be sabatiriŋ duniyaa kono taariŋ, wolu be seewoo la ì la saayaa kamma la le, ì be feetoo ke la, aduŋ ì be soorifeŋolu dii la ñoo la. Ì be seewoo la le saayiŋ, kaatu ñiŋ annabiyomu fuloo la kuwo ye ì toorandi le nuŋ.

11 Bari n naata a je le ko, wo tili saba niŋ talaa koolaa, baluwo niijiyo meŋ ka bo naŋ Alla yaa, dunta ì kono, aduŋ ì loota ì siŋolu la. Silaŋ baa boyita moolu kaŋ, mennu ye wo je. 12 Bituŋ seede fuloo ñiŋ ye kumakaŋ baa moyi ka bo saŋo santo, meŋ ko ì ye ko, “Ali naa jaŋ!” Ì seleta santo minaayoo kono, ì jawoolu ñaa la, ka taa Arijana. 13 Jee niŋ jee, banku jarajara baa keta, aduŋ saatewo la talaadaa tanjaŋo bee kasaarata. Moo wuli woorowula le faata wo banku jarajaroo kono. Bituŋ moo toomaalu mennu tuta baluuriŋ, ì silata baake, aduŋ ì ye Arijana Maariyo la semboo niŋ waroo jayi.

14 Kooroo fulanjaŋo tambita le, bari kooroo sabanjaŋo be naa kaŋ ne.

Footaŋ woorowulanjaŋo

15 Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!” 16 Bituŋ wo alifaa muwaŋ niŋ naanoo mennu be siiriŋ ì la mansasiiraŋolu kaŋ Alla ñaatiliŋo la, ì sujudita ka Alla batu. 17 Ì be a fo la ko:

“M̀ Maarii Alla Mansa Tallaa,

ŋà tenturoo dii i la,

ite meŋ be keriŋ, aniŋ ite meŋ be keriŋ nuŋ.

Ŋà i tentu, kaatu i ye i la sembe baa yitandi le,

i ye a dati le ka maraloo ke.

Protéger la création de Dieu : Notre responsabilité

Prendre soin de l’environnement est important car c’est notre responsabilité en tant qu’êtres humains de protéger la création de Dieu. En tant que jeunes chrétiens africains, il est crucial de se soucier de l’environnement car notre continent est riche en ressources naturelles et en biodiversité qui doivent être préservées pour les générations futures. Dans la Bible, Dieu confie à l’homme la responsabilité de prendre soin de la terre et de ses créatures. Dans le livre de Genèse, Dieu dit à Adam et Ève de « dominer sur les poissons de la mer, sur les oiseaux du ciel, sur le bétail, sur toute la terre, et sur tous les reptiles qui rampent sur la terre » (Genèse 1:26). Cela signifie que l’homme a une responsabilité de gestion et de préservation de la création de Dieu. De plus, dans le livre de Proverbes, il est écrit : « Le juste se soucie de la vie de son bétail, mais les entrailles des méchants sont cruelles » (Proverbes 12:10). Ce verset montre l’importance de prendre soin des animaux et de la nature, car cela reflète la justice et la bonté de Dieu. Enfin, dans le livre de l’Apocalypse, il est prophétisé que Dieu détruira ceux qui détruisent la terre (Apocalypse 11:18). Cela montre que Dieu se soucie de l’environnement et qu’il nous demande de prendre soin de sa création. Il est essentiel de prendre soin de l’environnement pour honorer Dieu, protéger notre planète et assurer un avenir durable pour les générations à venir. Suivre les enseignements bibliques...

Plus

Nasiyoŋolu kamfaata le,

bari ite la kamfaa baa,

wo ye dandulaa ke ì la le.

Waatoo siita le ka furewolu kiitindi.

Waatoo siita le ka i la dookuulaalu joo,

i la annabiyomoolu aniŋ i la moo senuŋolu.

Waatoo siita le ka moolu joo,

mennu ka i too buuñaa,

biriŋ moondiŋ fo moo baa,

aniŋ ka moolu kasaara

mennu ye kasaaraloo ke duniyaa kono.”

19 Bituŋ Alla Batudulaa Buŋo yeleta Arijana kono, aduŋ Kambeŋ Kunewo* jeta, meŋ be a kono. Saŋ ŋalasoolu, saŋ feteŋolu, saŋ kumakaŋolu, aniŋ banku jarajaroo keta, saŋ bere baalu naata boyi duniyaa kono.

Lankenemoo 11