Ka taamaayaa Alla la tankandiroo la
Moolu ka ñiŋ suukuwo le laa, niŋ ì be Alla Batudulaa Buŋo* waliŋ na.
1 Ŋa n ñaalu wulindi ka konkoolu juubee.
Maakoyiroo ka bo n ye naŋ mintoo le?
2 Maakoyiroo ka bo n ye naŋ Yaawe* le bulu,
meŋ ye saŋo niŋ bankoo daa.
3 A te soŋ na i siŋo ye bo i koto,
i tankandilaa buka jinkoo.
4 Banisirayilankoolu tankandilaa buka jinkoo muumee,
sako a si siinoo.
5 Yaawe le mu i tankandilaa ti.
Ate le mu i ye dubeŋo ti,
meŋ ka tara i fee.
6 Luŋ te soto la, tiloo si i mantoora meŋ na,
sako karoo, suutoo la.
7 Yaawe be i tankandi la kuu jawoo bee ma le,
a be i niyo kanta la le.
8 A be i tankandi la le,
i duntoo niŋ i fintitoo,
ka bo saayiŋ, ka taa fo abadaa.
© Mandinka Bible © Bible Society in The Gambia, 2011.