Alla tentoo niŋ suukuwo
Tenturulaŋ Jabuuroo.
1 Duniyaa moolu bee,
ali seewooriŋ baa ye suukuwolu laa Yaawe* ye.
2 Ali Yaawe batu niŋ seewoo la.
Ali niŋ suukuwo ye naa a ñaatiliŋo la.
3 Ali soŋ ko Yaawe le mu Alla ti.
Ate le ye ǹ daa,
aduŋ a taa le mu ǹ ti.
M̀ mu a la moolu le ti,
a ka mennu topatoo
komeŋ saajii koorewo.
4 Ali niŋ jayiroo ye duŋ niŋ a Batudulaa Buŋo* daa la,
ali niŋ tenturoo ye duŋ a la luwo to,
ali ye a jayi,
ali ye a tentu niŋ a too la.
5 Kaatu Yaawe beteyaata le,
a la kanu bambaloo be tu la le fo abadaa,
aduŋ a la tiliŋo be tara la keriŋ ne fo fawu.
© Mandinka Bible © Bible Society in The Gambia, 2011.