Bilidadi la diyaamu labaŋo
1 Bituŋ Bilidadi Suhankoo ye jaabiroo ke ko:
2 Kandaayaa niŋ silaŋo semboo,
wo be Alla le bulu.
Ate le ye kayiroo sabatindi a la Arijanoo kono santo.
3 Jumaa le si Alla la kelediŋ kafoolu yaatee noo?
Jumaa le be jee, a la maloo buka futa meŋ ma?
4 Hadamadiŋo si tiliŋ noo Alla ñaa koto ñaadii le?
Musoo ye moo meŋ wuluu, wo maarii si seneyaa noo ñaadii?
5 Hani karoo faŋo la kuwo le maŋ faramansa Alla ñaa koto,
sako looloolu si foori a fee.
6 Saayiŋ sako hadamadiŋo duŋ,
meŋ, a ka faa le, a ye toli.
A la kuwo ka muluŋ ne ko tumboo.
© Mandinka Bible © Bible Society in The Gambia, 2011.